| 個人檔案☜ rainbow ☞相片部落格清單 |  工具  說明 |
|
|
☜ rainbow ☞♡♡ 有梦就不认输,有梦就有幸福 ♡♡ 23/7/2007 想东西——经济实惠的休闲活动 我发现我越来越喜欢“想东西”了，无论是胡思乱想，还是想象和幻想……只要一无聊，就什么都大想一通，不相关的东西，经我一想，也有关系了……反正只要脑袋空这，就会去想东西、胡乱想一番……可能有人一看到“胡思乱想”这个词，就觉得一定是那种受了伤、心情不好的人的专利……但其实，胡思乱想的东西可以很多，也可以很有趣，还可以全世界你做主，更可以改变过去和预演未来……而且，最重要的是，想东西随时随地都可以进行，绝对是经济实惠的休闲活动啊……XD！
那天看到有对情侣在吵架，最后，哭的竟然是那个男的……我晕啊……虽然我不知道他们之间的状况，更不会理会谁是谁非……但我心里，已经偏离那个男的了，原因只因为：他哭了……在我看来，男人就算哭，也应该是那种英雄泪……毕竟：男儿有泪不轻弹嘛！……不过，男人的泪，如果因为动情，却比女人泪更显得动人，更让人心碎！……但现实社会，男人多半不会哭，因为那是软弱的表现……他们更多的喜欢用酒来麻醉自己……而女人就喜欢用泪来宣泄自己，似乎泪只有由女人来诠释，才能演绎得淋漓尽致……泪是为了减轻痛苦而流的，流泪过后，黯然神伤的外衣被卸下……流泪的时候，是我们流露真情的时候，所以显得凄美、动情……但，却反感那些什么事都梨花带雨的容颜，那些泪不值钱……流泪，是期待风雨过后的晴天…… 我们一直认为，天堂在很遥远的地方，那时有满满的快乐、温暖、爱和幸福……但是，没有人能真正讲出天堂是怎样的……可是天堂的美好，却一直铭刻在没一个人的心中……因为其实，快乐、温暖、爱和幸福，都在你身边，自然天堂也在你身边……只不过有时因为各种烟雾，挡了你发现的眼睛，迷蒙了你享受的心田……有时因为心的粗糙，感受不到……但一定要相信，天堂就在你的面前，我们看到天堂…… 我个主页已经过了两周岁生日啦……我要吃大餐庆祝一下才行，哈……至于是否履行当初只开两年的约定，还有待考虑……er,to be or not to be, that's a question！哈…… PS：快乐，我哭，难过，我哭，好眼泪坏眼泪，我都曾流…… 快乐和伤心，都像在演戏，一碰就惊天动地…… 9/7/2007 放假啦…… 放左假一个几星期啦，开心、舒适、规律、发展，一个个形容词轮住甘冒出黎……虽然只不过系刚放左假一阵，但我早就唔记得晒考试
果阵既野啦……睇住惨不忍睹既分果阵，都捻唔起考试当时既自我感觉，连考过咩都差唔多唔记得晒……可悲啊！
不过，考完试果日，我就记得好清楚！XD！……因为我地果日玩得好癫……朝早考完试，我地下奏就去左堂会唱K，十几个人，好兴奋甘……阿峰唱《榴莲飘香》就超搞笑，小云连把声都有D似ELLA啊，阿智就扮晒有形甘……我同阿紫就撑硬广州，非广州话歌唔唱……成班人，好开心，好放……后尾玩“大话识”，围攻一个人，搞到距短短几分钟，饮左不下十杯饮料……最尾仲激到吃辣椒添，够晒HIGH……唱到九点几，个个都仲意犹未尽，话捻下一PART节目，最尾就玩到黎我屋屋——打麻雀、打牌……明明班男生就晚晚都通宵温书噶啦，但系各个果晚都精神得很，吵喧巴闭……于是乎，我屋屋就成晚都沉浸系笑声当中……最搞笑既系玩“盖棉胎”，原黎广州、佛山既玩法系唔同既，加上children反应慢得搞笑，我地各个都笑到流晒眼泪……好开心既一个下午+晚上+凌晨啊…… 因为太热啦，而且D头发直翻，又长又乱，所以我放假第二日就去左剪头发啦……哈……大刀一挥，砍断情丝，依句就系人地讲既…不过真系大变动，剪到好短好薄，刚到膊头……虽然好清凉，但就显得个面好大，哎……早知唔剪啦，仲要用左我甘多钱……我捻，到开学应该长翻噶啦…… 依个星期，我日日都规律性地做一样既野，时间安排同分配亦几乎一致……一直都唔中意规律性同计划性既野……但依家自己居然做紧，而且没特别既憎恶，不解……不过我知，甘样既日子坚持唔到几耐噶啦…… 以前一有假期，阿哥就会翻黎同我地玩……而且次次都会拿一大堆唔同既、好味既零食俾我……D大人初初仲以为距拿甘多行李添，点知里面全部系野吃……距翻黎，就好多野搞，好好玩……但系今个假期，唔知距得唔得闲翻黎咯……距已经做野啦，唔再好似以前甘，翻黎Ｄ甘多啦……特然发现，虽然我地仲好贪玩，仲好似好细个甘……但其实，我地地各个都大哥仔、大哥女啦……唔再系无忧无虑，唔再系玩大过天啦……不过点都好，我地感情都会好好噶……我会记得你锡我既野噶…… 翻到屋屋，就系舒适……就算没野做，系度摊下、HEA下，都唔会觉得无聊……屋屋就系唔同D，系宿舍，就总系觉得唔知做咩好…所以都几唔明白果D放假唔翻屋屋既人……D同学都走晒，学校又冷清，有意思么？…… PS：我在幸福的门外，却一直都进不来……
我的天空今天有点灰，我的心是个落叶的季节…… 22/6/2007 咩系大学？ 依个星期，日日都要考试，就闷左一个星期啦……晚晚都系宿舍拿住本书，系甘睇、系甘背……睇住甘多书，头都大埋……加上我系坐唔定既人，晚晚要定神背野，一D都唔爽……有D男生就仲疯狂，通宵睇书，真系服左距地……如果我学距地，我捻我考下考下试，都会训着左……有D科既老师真系好BT，咩重点系第一至十二章整章书，真系晕……有D就好似荒死我地合格甘，出D卷骑尼都鬼甘……搞到本来就好混乱既我，只好发挥自己既吹水同老作能力……最无奈既系，各个都话要坐我附近、话要抄我……哎，我自身难保啊……都系上学期既成绩惹的祸……下个星期仲有五科，坚持埋距，我就可以放大假啦……放假我要、、、、我要、、、、（啪，翻来咯！依D野都系考完先捻啦！）下个星期科科都好多野背，好难捱噶……比心机温好书先啦……捻起果日阿峰讲：咩系大学？大祸临头先至学咯！……简直经典！
虽然日日都要考试，但系我地仲系好识自己找娱乐……果日我同weir、晓波同阿紫，依旧既四人组合，就出去吃正宗潮洲沙锅粥……话大一毕业聚餐喔，哈……四条柚仔傻更更甘出去，又学潮洲话同个老细讲野……沙锅粥同我地平时既粥比，都没咩特别喈……跟住端午节同夏至，我地同勤哥、阿智距地果班玩得既，又找理由黎庆祝……成班人系度玩，几HAPPY啊……浩彬距地宿舍仲搞笑，搞咩宿舍运动会……几个人唔倒装翻过个单杠，都唔肯走……果日考完试，下奏又没课，打左3个几钟波，又系一件大快人心既事……虽然超累，但系好爽……一边打一边讲笑，最尾笑到都没力啦…… 讲起打波，果日我地篮协女队同司法警官学校既人打左场波……打得唔算好好，似乎没咩激情甘……不过打全场，真系好累……仲要我既对手，系一个比我高比我大份既人……本来就唔想打果个位，仲要甘，搞到我打得唔多好……不过玩下喈……记得高三果阵级长话，女生唔好打甘多波，唔斯文呢……哈！ 外教课开PARTY，系最疯癫、最快乐既时光……比赛用纸巾整木乃伊，有个人俾人包到实晒，都认唔出距系边个……最可怜既系仲要俾几个男生抬左出课室好远，翻唔到黎，笑爆肚……MARIA捻既游戏又都好好玩、好搞笑……笑声、欢呼声、起哄声系个课室度回荡，搞到俾保安警告……不过我地一于唔理，继续疯……跟住开大食会就仲疯狂……只要一捻起果日既情景，都会笑死……真系唔舍得MARIA啊！…… 仲有一个星期，努力埋距！甘就可以放大假啦…… PS：难道牺牲才精彩伤痛才实在，把未来转眼就删改…… 我们可不可以不勇敢?当爱太累梦太乱没有答案…… 9/6/2007 缘分…… 6号果日，收到条短：去年今天我们担忧彷徨；去年明天我们奔赴刑场；去年后天我们彻底解放……哈！……甘快就一年啦！仲好清楚甘记得旧年既点点滴滴，记得好多人讲过既每一句说话……之前一直都没关注今年既高考，毕竟同我已经没关系……但果晚发现，自己有几怀念以前单纯美好既日子！真系想回到从前……虽然怀念、不舍，但系我会向前看，相信幸福的绿光就系前面！
上个星期六一儿童节，我收到好多儿童节短信，都仲收到礼物啊……哈哈……即便我已经唔系儿童，但我一直认为自己系个细路，因为我内心有好多童真……至少，系爹D妈咪心目中，我系小孩子……记得以前细个，每到儿童节都好开心……因为人人都会有一大袋礼物、一大袋野吃……大家都打扮到好得意，参加游园活动……唔理年龄系几多，我会永远带住一颗不变童心，同智慧一齐长大…… 六月的天，娃娃的脸……最近D天气真系超讨厌，一阵劲大雨，一阵晒到鬼甘……可能前一分钟黑晒天，后一分钟又出翻太阳……好无奈！最可恶既系果日，大风到吹烂左我把伞，搞到我好狼狈……话时话，今个星期好似都狼狈左好几次……最高级既狼狈，莫过于果晚消夜到三点几，搞到要爬铁门，先入到宿舍大楼，超无形象……迟D端午节，有龙舟水，睇怕依期都系多雨咯……
微观经济讲到保险，果日唔知点解，脑海特然有个问题：爱情有没保险？……为爱痴狂、为爱苦等，都意味住要承担为爱情受伤既风险……我好想知道究竟有没爱情保险可以买？……有没透明胶可以为破碎既心粘贴？有没涂改液同粉刷将唔好既回忆抹去？又或者好似剪电影甘剪左唔美好？……我似乎太天真啦，系度做白日梦……爱情既世界里面，你同我受既伤唔同，伤害既副作用持续时间唔同……但相似既系，边个都不可避免……我只不过希望，我身边既人：少一点痛苦、少一点眼泪！……如果人人都幸福，各个都happy ending，甘你话几好呢？ 仲有一个星期就考试啦，睇住厚厚既N本书，我没上学期期末既冲劲……之前党试过左啦，好几个测试都顺利PASS，希望跟住落黎都顺 顺利利啦！
PS：我的梦有你的祝福才能够完全，风浪再大我也会勇往直前…… 心里有你陪着我，就不害怕寂寞，做最真实的我…… 20/5/2007 独立…… 最近真系好忙啊……为左大运会，又要赶课，搞到日日都八节课甘，好似翻番中学时代……跟住又N多论文、思想汇报要写，写到烦晒……捻下，仲有一个月到就考试啦……真系要开始睇翻书啦，如果唔系，挂科就大件事啦……而且唔可以丢师兄假噶嘛……
最近听人讲，人地日本传统教育，每个后生仔女都要自己整件衫……用传统既织布机织布、跟住设计、跟住染布、再裁剪，最尾整成件和服……依件衫全部工序都要自己整，自己设计……到18岁果年，穿住自己亲手整既衫，去参加成年节……你可以提早整，整到靓为至……但一定系要自己完成，而且果日一定要穿……可能有D人觉得好无聊、好麻烦……但系我就觉得好有意义……自己亲身完成一件传统服饰，而且每一针每一线每一块布，都系自己劳动成果……整得好，你可以穿住靓靓既衫，自豪甘参加成年节；整得唔好，你都要穿，为自己既行为负责……我捻，依样野，就系目的所在吧……我地就没D纪念成年既节日，好多人过左18岁，都仲系度闯祸，跟住要人地帮距善后……有D人依家仲成日大小姐脾气，任性甘要人迁就，够啦……成年啦，要对自己负责……明天既太阳始终要靠自己托起…… 如果你叫我介绍吃野既地方，我一定会介绍你去rbt（仙踪林）同天使简约……点解？因为我超中意依两间野咯……先讲rbt啦，果个创业者绝对有taste啦……间店同店名设计主色调系绿色，logo就系兔仔……岩晒我心意……当然，距D野饮好正，款式又多，D小食都唔错……下午，约上一两个知己，去果度慢慢倾、慢慢叹，绝对系个好选择……而天使简约，就系间好正既蛋糕店……距就成间都系绿色，所有蛋糕盒、桌凳等等都系……你一入去，唔会因为得一种颜色而觉得好斋好怪，反而觉得好舒服、好有活力……D蛋糕就好好味，好精致，真系会唔舍得吃……就芝士蛋糕，都已经有好多唔同既品种，肯定有一款岩你心水……仲有根据星座特征而设既蛋糕添……超中意依两间野啊！搞到我好似系度帮距卖广告添……哈！ 果晚，同我地部既师兄师姐去消夜，好搞笑、好开心……大家都系度讲笑，笑到未停过，感觉好亲切……记得一开始入心拓果阵，觉得D师兄师姐都好严肃、好有等级感……我仲一度唔中意依种环境……话甘快，就一年啦！依家同师兄师姐都熟左，就好玩好多……开下玩笑、取笑下，好好玩……迟D换界，可能好多师兄师姐都要退，捻起，真系有D唔舍得……听到师兄话：“我地或许会退,不过一个电话，我地就会过来帮你手”真系感动……系心拓，识到好多人，学到好多野，的确系有收获既……珍惜！系我此刻捻到既词…… 下个星期要考党试，真系怕怕，挂左就可是好严重呢…… PS：可能年少的心太柔软，经不起风经不起浪…… 何不把悲哀感觉假设是来自你虚构，要拥有必先等失去怎接受 …… 6/5/2007 忙≠茫 七日既黄金周，话甘快又尾声啦……假期前既日子，系充实既，假期亦系开心既……跟住落黎既日子，应该都会几忙吧……不过没紧要，我唔会令自己忙到茫，或者忙到盲……我知道我要去明确：究竟我想要咩……
21/4/2007 意料唔到…… 因为系屋企既时间太短啦，搞到今期想写野，反而没时间……
生日过左啦！……意味住真系大个女啦，第一次踏入2字头，第一次唔系屋企过生日，第一次系大学过既生日……本来以为没咩特别，估唔到，大家甘有心帮我庆祝……果日朝早一起身开手机，就收到一大堆短信，除左同学，仲有其他好多朋友、师兄、隔离班既人既祝福，令我一早就有个好心情……早读完，阿紫叫左我上山顶公园，我先知原黎距地买晒蛋糕、饮料同野吃，同我庆祝……我收到一大堆礼物，不过基本全部都系吃既野……物我个样真系甘贪吃咩？……勤哥距地宿舍就搞野D，送左分特别既礼物，服左剧地……一大班人系山顶公园吃蛋糕、唱歌、影相，当然唔少得cream大战……阿紫买果个蛋糕系绿色既，有只兔仔系上面，仲写住亲爱既CACA，真系岩晒我水……不过我既刀法唔多好，后尾切果阵，搞到距有D核凸……阿锋整到成只手白晒，影相果阵企系我后面，话系我对天使翼喔……weir就系度要唱“恭祝我福寿与天齐”既老饼生日歌……晓波就好知我心意甘系度放《不想长大》做背景音乐……真系好搞笑、好好玩、好开心！……阿蔡又寄左份礼物俾我，加埋距果份图文并茂既信，睇到我鬼甘感动……枸杞就夜晚过左黎探我，我又有一个绿色既蛋糕……大佬、欣怡仲系距地既Q-ZONE度，写左我既专版……仲有好多、好多好开心既片段……真系要好多谢你地，多谢你地令我个生日过得甘开心……你地既心意，我会记住噶…… 今个星期，一路系度忙，忙情景剧既复赛……晚晚都成十一点先翻到宿舍，但系锻炼到、同D人交流到，都算充实……最尾果晚搞掂晒，仲成大班人出去消夜……消夜果度D饺子同粟米卷真系唔错……大家又讲又笑，都几开心……当然，都有D唔多得既干事，会俾人感觉唔好……翻学校果阵，都成点几啦，我地庞大既队伍系校道，显得特别热闹，或者讲吵喧……吃消夜果阵，有个其他人认为系神秘人物既人出现，距同我讲左D奇怪既野，不过，就令我系度捻：下年我地依个机构 ，会系一番如何既景象？…… 上外教课，系最好玩既课……今个星期，我地就分小组演电影……当然，全部对白、介绍都要用英文啦……我地小组演《无间道风云》，阿峰同阿智距地演得好鬼型仔……隔离组演《铁达尼号》就好搞笑，D组员演技好好，跌落水果幕，ROSE眼泪水都出埋，JACK居然拿纸巾俾距，笑爆全场……ONE演打肚婆，个肚成日跌左出黎……成堂课，个课室既笑声都未停过……原黎我地班隐藏住甘多影帝、影后…… 好开心，五一有得放七日…… PS：原来爱情不是想象中的美丽，也有快乐也抹不去的伤心…… 要快乐原来绝不轻易，惆怅也没意义，蒙着眼看世界总也是甜美…… 8/4/2007 我想大叫啊…… 最近好多野搞：要搞情景剧，要摆摊，要打专业篮球赛……迟D要去党校、要赶课，可能连星期六日都没得翻屋企添……可恶啊！……本来唔想甘快去上党课，唔想甘快入党，不过俾人推优推左去，没办法啦，哎……其实忙我系唔介意噶，不过，如果做埋晒既野，都系D琐碎、规范既野，甘样我会感觉好麻木，好郁闷噶嘛…… PS：点解？？点解各个都话要走？？我唔制啊……甘多人出国做咩喔……虽然系开拓视野，但独在异乡，甘孤单，咩都要自己去搞掂，离开自己既地方，离开自己屋企人，舍得咩？……可能我仲未系做大事既人，仲细胆，要我自己远走他国，我唔会选择……其实没咩，出国既机会都唔系各个有，应该为自己既未来打算……人生既列车肯定会成日有人上，有人落……只不过，我依个车长，唔舍得当左你地系乘务员之后，你地就要落车喈…… 23/3/2007 会几忙既一个学期…… 之前一直开唔到个主页，真系好鬼担心没晒Ｄfriend既留言……Ｄ日记我有留底，没所谓，但系ＤＦ既留言没左，我就唔制啦……之前开主页果阵，话两年之后，就删左距……点知，到左真系开唔到，先发现好唔舍得个主页……依家可以开翻，太好啦……
开左学三个星期啦，都没咩特别野……特别既就系有好多其他地方既特产吃，咩炒米饼、龙须糖、花生糖、芝麻糕、杏包仁、牛肉丸……好多，好好吃啊，岩晒我依个为食猫！嘻！……又捻翻起之前好多人问过我既问题：广州有咩特产啊？……我都唔识答……食在广州，讲既都系粤菜嘛……
今个学期开始，有外教口语课……个外教系菲律宾人，好鬼得意，D表情又丰富……听距讲课，好好笑…… 上外教既课几轻松，但又唔闷……今个学期D课室安排就真系好鬼衰，成日都要跑来跑去，搞到好鬼频迫……系教学楼5楼上完，又要去A南5楼，赶到咩甘，次次去到，个课室都坐满人……都唔知学校点样安排既……今个学期就比较多课，D书又大本又厚……有时夜晚仲要想选修，好在我选修课系影视鉴赏，即系睇电影，比较轻松……果日第一次上，就睇卓别林既电影，好有趣……卓别林果然系一代大师，唔需要语言，斋靠肢体动作，就可以讲主题表达得好好，好搞笑……唔知，下个星期会睇咩戏呢？…… 果日见到白发老人，开心一笑，酒窝出现系面上，沧桑的面上顿时有股清朗韵味，真系好醉人……记得以前有人同我讲，出生后俾天使吻一下，距就会有酒窝噶啦……可惜，我阿哥、细佬都有酒窝，就系得我没……没办法啦，酒窝出现既几率得15%……有酒窝既人，真系要好好珍惜依样纯美既野……毕竟酒窝唔系一生不变既野，岁月不饶人，面上既酒窝都会渐渐模糊噶……所以，唔好错过酒窝依样珍贵既法啊…… 讲起错过，人既一生，都会错过好多好多既事情，无法弥补……或许一场误会，错过一段真挚既友谊；或许一次退缩，错过少有既好机遇；或许要维护自尊，错过左美丽既感情；或许那么用心去悄悄喜欢一个人，但因为胆小，错过左将自己从暗角里走出黎既可能……对于错过，我们只能讲：算啦……生命太短促，载不动太多既负荷，所以有时，为左唔好错过一D不能错过既野，我地选择左无奈地错过……或者，好多时候，错过都系一种美……因为我地会为已拥有既野而喜悦……毕竟，这世上有无数既野，错过既唔会系每一个…… PS：你说我比较像你的好朋友，曾经等待，但不会改变什么…… 你不开心的眼，仿佛将我推到悬崖边缘，距离就算再靠近眼前，我们一样没交点…… 1/3/2007 我玩故我在…… 一个月既假期，话甘快就过左啦……依段时间，都没咩想写野既念头……有晚睇到人地既日记，突然之间有过冲动写篇心底话，但系最尾都系放弃左……反正我都帮唔到距Ｄ咩，净系希望距开心喈……依期都没咩上Q，搞到俾人以为我玩失踪……
果日行街，经过一间小店，见到店里面系各色既teddy熊，好得意啊……有憨厚既，有穿西装扮酷既，有一家三口幸福既，有系了蝴蝶结既，有饼干熊，好多好多……通常女仔行入甘样既公仔屋，就唔舍得走噶啦，系心里面大叫：好得意、好中意啊……走入公仔屋既人，都沉浸系依个teddy熊既世界里面，寻找属于距既果只teddy熊……或者，每个女仔都有甘既一个小熊梦……而送你熊仔既男仔，也许唔系爱你既，但无疑系最锡你既，因为距愿意陪女仔去做依个公仔梦……但愿我地都唔好错过心里面果只teddy熊啦…… 最近唔知点解，ＤＢ左，成日中意找卡通片、童话黎睇，觉得好得意！ＸＤ！……睇卡通片同童话，心情好舒畅噶，个人都后生Ｄ啊……点知有人同我讲：“睇甘多做咩啊，睇得多只会觉得现实既唔美好……童话中既爱情，青蛙可以变王子既；但系现实中既爱情，王子都变青蛙啊”……er___经典，且无语…… 今年春节，我依旧同以往一样：买大堆野吃、发手机短信拜年、同父母跟亲朋饮茶吃饭、逗利是……依旧系生物钟混乱期……虽然过年气氛越黎越淡，利是都越黎越少，但夜晚时不时既“沙炮”同炮仗声，酒楼既人山人海，周围都系度播既贺年歌，仲系可以令新年有股热闹感……虽然过年前没咩雀跃感，但系新年期间同亲朋畅谈、举杯，吃蛋散、煎堆等，仲系可以感受到新年既喜庆……唔知唔觉，新年又过完啦，假期亦都尾声啦……捻到要翻学，就要感叹：虽然翻学都好轻松，但系放假懒散惯，始终都系放假自由好…… 春天又黎啦，出面既树换晒新鲜既绿色，好舒服啊……真系人逢绿色精神爽啊，哈…… ＰＳ：如果爱情是五线谱，我只希望用全音符，吟唱出爱上你，那完整的幸福…… 爱一个字，最需要及时，某些心意，不可等某个日子…… |
|
||
傳送私人訊息
訂閱 RSS 摘要
告訴朋友
新增至 Live.com
新增至您的朋友網路
註冊通知|
|
